مرحبا ماميز.. كيفكم و شو أخباركم؟
بعتذر عن الفتره يلي خف فيها بوستاتي و الأخبار الجديده، بس متل ما بتعرفوا كيف بتكون أول فترة من الحمل متعبة ومزعجة.
بس الحمد الله من لما دخلت الشهر الرابع و أنا اتحسنت و حاسه حالي مرتاحة أكتر،، إن شاء الله يكمل حملي على خير و ضل مرتاحه.
اليوم حابه خبركم عن منتج من بالمرز استلمتوا الأسبوع الماضي و جربته فترة أسبوع كامل كرمال اتأكد من مفعوله.. رح خبركم عنه أكتر و عن تجربتي معه.
المنتج هو: زيت العناية بالبشرة من بالمرز
الصراحة كتير اتحمست لما شفت هالزيت موجود بالعلبه و حبيت جربوا، لأن مع الحمل فجأه صار وجهي يطلع فيو حبوب و لما تروح الحبه يطلع مكانها بقع فحسيت وجهي ناشف و ما كنت مرتاحه، مع إني حاولت جرب أكتر من منتج ليخفف الموضوع بس ولا واحد منهم رجع بشرتي لطبيعتها..
فلما شفت الزيت قررت جربوا و أعطي حالي عالأقل فترة أسبوع كرمال لاحظ الفرق، و فعلا من ثالث يوم حسيت بشرتي صارت رايقه، خف الحب و توحد اللون،، من الآخر حسيت انه بشرتي اتغذت من كل الفيتامينات الموجودة فيه.. و الأهم من كل هاد انه ريحته رووعه !!
شو هي مكونات هالزيت؟
هالزيت عبارة عن خليط من عشر زيوت غنية و صافية مثل:
زيت اللوز الحلو، زيت السمسم، زيت جوز الهند، زيت عباد الشمس، زيت جوز المكادامبا، زيت الأرجان (المفضل عندي) ، زيت بذور العنب، زيت المشمش، زيت ثمرة الورد، زيت الكاميلينا و طبعا مع فيتامين ج و هـ .
كيفية إستخدام هالزيت؟
هو مافي طريقه صح أو غلط، بس أهم شي تنظيف الوجه قبل وضع الزيت.
أنا عن نفسي بحطه مره واحده باليوم، كل يوم قبل ما نام بغسل وجهي بغسول خاص للتنظيف العميق و بعدها بدهن الزيت على كافة الوجه و الرقبه مع تدليك خفيف ..
شو مفعول هالزيت على البشرة؟
كل الزيوت المذكورة هي زيوت مجدده للبشره مع زبدة الكاكاو الطبيعية، يلي تساعد على مقاومة أعراض الشيخوخة و بتساعد على ترطيب وتلطيف الخطوط الدقيقة و التجاعيد و بينما يساعد الريتينول و فيتامين ج في تحسين و تبييض البشرة، وعلى فكرة الزيت جدا خفيف يعني مجرد ما ينحط على البشره بتمتصوا بسرعه.
و الزيت بساعد كمان على تحسين مظهر البقع الداكنة و الغير متناسقه، يعني هالزيت مفيد جدا من جميع النواحي.
(هالزيت لا يسبب الحساسية- لا يسبب حب الشباب- خال من البارابين- خال من الفثالات)
حاولت اختصر لكم الموضوع ماميز و اعطيكم المفيد تتعرفوا عالزيت أكتر و تشوفوا اذا يناسبكم..
اذا حبيتوا مكوناته جربوه وعطوني رايكم فيه وعن تجربتكم معه..
(سعر العلبة ٣٢ درهم فقط)
xoxo
ماما و يويو 3>
mommy&yoyo+meera 